വടകര: വടകരയിൽ ബസും ബൈക്കും കൂട്ടിയിടിച്ച് യുവാവിന് പരിക്ക്. കെഎസ്ഇബി ജീവനക്കാരനായ ഇരിങ്ങൽ സ്വദേശി നവനീതിനാണ് പരിക്കേറ്റത്. ഇന്ന് ഉച്ചയോടെ വടകര ലിങ്ക് റോഡിലാണ് സംഭവം. വടകര പഴയ ബസ് സ്റ്റാന്റിലേക്ക് പോവുകയായിരുന്ന സ്വകാര്യ ബസും എതിരെ വന്ന ബുള്ളറ്റ് ബൈക്കുമാണ് കൂട്ടിയിടിച്ചത്.
ഇടിയുടെ ആഘാതത്തിൽ ബുള്ളറ്റിന്റെ മുൻഭാഗം ബിസിനടിയിൽപ്പെട്ടു. കാലിന് സാരമായ പരിക്കേറ്റ യുവാവിനെ വടകര ജില്ലാ ആശുപത്രിയിൽ പ്രാഥമിക ചികിത്സ നൽകിയ ശേഷം കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.