താമരശ്ശേരി: കൂടത്തായി പെരുവില്ലി ഭാഗത്ത് എക്സൈസ് നടത്തിയ പരിശോധനയിൽ മാരക ലഹരിമരുന്നായ മെത്തഫിറ്റെമിനുമായി യുവാവ് പിടിയിൽ. ചൂരപ്ര ഷാഹിദ് (29) നെയാണ് 64 ഗ്രാം മെത്തഫിറ്റെമിനുമായി താമരശ്ശേരി എക്സൈസ് സംഘം പിടികൂടിയത്.
താമരശ്ശേരി റേഞ്ച് എക്സൈസ് ഇൻസ്പെക്ടർ എ.ജി തമ്പിയുടെ നേതൃത്വത്തിൽ അസിസ്റ്റൻറ് എക്സൈസ് ഇൻസ്പെക്ടർ (ഗ്രേഡ്) മാരായ സുരേഷ് ബാബു സി.ജി, സുനിൽ.എം, പ്രിവന്റെറി ഓഫീസർ അജീഷ് ടി.ബി, പ്രിവെൻ്റീവ് ഓഫീസർ (ഗ്രേഡ്) ദിനോബ്, സിവിൽ എക്സൈസ് ഓഫീസർ ഡ്രൈവർ ഷിതിൻ എന്നിവർ ചേർന്നാണ് പ്രതിയെ പിടികൂടിയത്.