ന്യൂഡൽഹി: സിബിഎസ്ഇ പത്താം തരം പരീക്ഷാഫലം പ്രഖ്യാപിച്ചു. വിദ്യാര്ത്ഥികള്ക്ക് സിബിഎസ്ഇ ഔദ്യോഗിക വെബ്സൈറ്റ് വഴിയും ഡിജിലോക്കര്, ഉമാങ്ങ് ആപ്ലിക്കേഷന് എന്നിവയിലൂടെ ഫലം അറിയാനാകും. ഇന്ന് ഫലപ്രഖ്യാപനമുണ്ടാകുമെന്ന് സിബിഎസ്ഇ നേരത്തെ അറിയിച്ചിരുന്നു. പന്ത്രണ്ടാം ക്ലാസ് ഫലപ്രഖ്യാപനം ഉടന് പുറത്തുവിട്ടേക്കും.
മേയ് മാസത്തിൽ നടക്കാനിരിക്കുന്ന രണ്ടാംഘട്ട പരീക്ഷ മുന്നിര്ത്തിയാണ് മൂല്യനിര്ണയ നടപടികള് സിബിഎസ്ഇ വേഗത്തിലാക്കിയത്. വിദ്യാര്ത്ഥികള്ക്ക് മാര്ക്കുകളും സര്ട്ടിഫിക്കറ്റുകളും വേഗത്തില് ലഭ്യമാക്കാന് ഡിജിലോക്കര് സംവിധാനം സഹായകരമാകുമെന്നാണ് വിലയിരുത്തല്.
results.cbse.nic.in, cbse.gov.in, എന്നീ വെബ്സൈറ്റുകൾ വഴിയും കൂടാതെ, 7738299899 എന്ന നമ്പറിലേക്ക് റോള് നമ്പറും ജനനതീയതിയും അയച്ചാല് മെസേജ് ആയും ഫലമറിയാം.