താമരശ്ശേരി: കൊയിലാണ്ടി-എടവണ്ണ സംസ്ഥാനപാതയിൽ താമരശ്ശേരിയിൽ കാർ നിയന്ത്രണംവിട്ട് നടപ്പാതയിൽ ഇടിച്ചുകയറി യുവാവിന് പരിക്ക്. കാൽനട യാത്രക്കാരനായ കട്ടിപ്പാറ ചമൽ സ്വദേശി ജിത്തുവിനാണ് പരിക്കേറ്റത്.
താമരശ്ശേരി ഫോറസ്റ്റ് ഓഫീസിന് സമീപം ഇന്ന് വൈകീട്ട് നാലുമണിയോടെയായിരുന്നു അപകടം. റോഡരികിലുള്ള നടപ്പാതയിലൂടെ നടന്നു പോവുകയായിരുന്ന യുവാവിന് നേരെ കാർ പെട്ടന്ന് പാഞ്ഞടുക്കുകയായിരുന്നു. പരിക്കേറ്റ ജിത്തുവിനെ താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു.