എളേറ്റിൽ: എളേറ്റിൽ വട്ടോളി-പാലങ്ങാട് റോഡിൽ എളേറ്റിൽ വട്ടോളിയിൽ സ്വകാര്യ ബസ് മറിഞ്ഞു. അപകടത്തിൽ 20 പേർക്ക് പരിക്കേറ്റു. എളേറ്റിൽ വട്ടോളിയിൽ നിന്നും ഒടുപാറ വഴി നരിക്കുനിയിലേക്ക് പോകുന്ന ‘ബുസ്താന’ എന്ന ബസ്സാണ് അപകടത്തിൽപ്പെട്ടത്. നിയന്ത്രണം വിട്ട ബസ് വൈദ്യുതി പോസ്റ്റിലിടിച്ചാണ് മറിഞ്ഞത്.
ഭാരത് പെട്രോൾ പമ്പിന് സമീപം ഇന്ന് വൈകീട്ട് 4.40 ഓടെയായിരുന്നു അപകടം. യാത്രക്കാരിൽ കൂടുതലും വിദ്യാർത്ഥികളയിരുന്നു. പരിക്കേറ്റവരെ എളേറ്റിൽ ഹോസ്പിറ്റലിൽ പ്രവേശിപ്പിച്ചു. സാരമായി പരിക്കേറ്റ അഞ്ചു പേരെ പിന്നീട് കോഴിക്കോട് മെഡിക്കൽ കോളേജിലേക്ക് മാറ്റി. ആരുടേയും പരിക്ക് ഗുരുതരമല്ല.