പൂനൂർ: തെങ്ങുകയറ്റ തൊഴിലാളി തെങ്ങിൽ നിന്നും വീണ് മരിച്ചു. കാന്തപുരം കൊളങ്ങരാം പൊയിൽ അബ്ദുൽ മജീദ് (45) ആണ് മരിച്ചത്. 20 വർഷത്തിലേറെയായി തെങ്ങുകയറ്റ തൊഴിലാളിയാണ് മജീദ്. പൂനൂർ കരുവാറ്റ അപ്പടംകണ്ടി സലാമിന്റെ പറമ്പിലെ തെങ്ങിൽ തേങ്ങ പറിക്കാൻ കയറിയപ്പോൾ ഇന്ന് രാവിലെ എട്ടോടെയാണ് സംഭവം. വീണ് ഗുരുതരമായി പരിക്കേറ്റ മജീദിനെ ഉടനെ കോഴിക്കോട് മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
മൃതദേഹം മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. മാതാവ്: മറിയം. ഭാര്യ: സാജിദ മണൽവയൽ. മക്കൾ: ഫാത്തിമ ഫിദ, സഹ്‌ല ജാസ്മിൻ, ആയിഷ മിന്നത്ത്. സഹോദരങ്ങൾ: സക്കീന കെ.പി (മുൻ മെമ്പർ ഉണ്ണികുളം ഗ്രാമപ്പഞ്ചായത്ത്), മുജീബ് കെ.പി.
മയ്യിത്ത് നിസ്കാരം വൈകീട്ട് 5.30ന് കാന്തപുരം ജുമാ മസ്ജിദിൽ.