പാലക്കാട്: വണ്ടിത്താവളം പട്ടഞ്ചേരിയിൽ പേരകുട്ടിയെ രക്ഷിക്കുന്നതിനിടെ മുത്തശ്ശി കുളത്തിൽ മുങ്ങി മരിച്ചു. പട്ടഞ്ചേരി വടതോട് സ്വദേശിനി നബീസ (55) ആണ് മരിച്ചത്. നബീസയുടെ മകൾ ഷംനയുടെ മകളായ പത്തു വയസുകാരി ഷിഫാനയെ പ്രദേശവാസികൾ ചേർന്ന് രക്ഷപ്പെടുത്തി.
ആട് മേയ്ക്കുന്നതിനിടെ നായയെ പേടിച്ചോടിയ കുട്ടി കാൽ വഴുതി കുളത്തിൽ വീഴുകയായിരുന്നു. ഇതിനു പിന്നാലെ കുട്ടിയെ രക്ഷിക്കാനായി ശ്രമിക്കുന്നതിടെ നബീസ കുളത്തിൽ വീണ് മുങ്ങി മരിക്കുകയായിരുന്നു.