വടകരയിൽ ഓടികൊണ്ടിരുന്ന കാറിൽ നിന്ന് പുക, പിന്നാലെ കത്തിയമർന്നു; തലനാരിഴയ്ക്ക് രക്ഷ

വടകര: വടകരയിൽ ഓടിക്കൊണ്ടിരുന്ന കാറിന് തീപിടിച്ചു. ദേശീയ പാതയിൽ പുതിയ ബസ് സ്റ്റാൻഡിന് സമീപം രാവിലെ ഏഴരയോടെയാണ് അപകടം. അടക്കാതെരു സ്വദേശി കൃഷ്ണമണിയുടെ കാറിനാണ് തീപിടിച്ചത്. രാവിലെ ഇന്ധനം നിറച്ച ശേഷം വീട്ടിലേക്ക് പോകുമ്പോഴായിരുന്നു സംഭവം.

റോഡിലൂടെ ഓടിക്കൊണ്ടിരിക്കെ കാറിൽ നിന്ന് പുക ഉയരുന്നത് കണ്ട് കാൽനടയാത്രക്കാരാണ് വാഹനം നിർത്തിച്ചത്. തുടർന്ന് ഡ്രൈവർ കാറിൽ നിന്ന് ഉടൻ ഇറങ്ങി സ്ഥലത്ത് നിന്ന് മാറുകയായിരുന്നു. ഡ്രൈവർ ഇറങ്ങിയതിന് പിന്നാലെ തന്നെ കാറിൽ തീ ആളി പടർന്നു. തുടർന്ന് വടകര അഗ്നിരക്ഷാ സേനയെത്തിയാണ് തീ അണച്ചയത്. തീപിടിത്തത്തിൽ കാർ പൂർണമായും കത്തിയമർന്നു.