കൊയിലാണ്ടി: ഡല്‍ഹിയിലെ ആർമി ക്വാട്ടേഴ്സ് കെട്ടിടത്തിൽ നിന്നും വീണ് പരിക്കേറ്റ് ചികിത്സയിലായിരുന്ന പുളിയഞ്ചേരി സ്വദേശിയായ സൈനികൻ അന്തരിച്ചു. കൊയിലാണ്ടി പുളിയഞ്ചേരി ഹെല്‍ത്ത് സെന്ററിന് സമീപം തവളകുളം കുനി ഹരിചന്ദനം വീട്ടില്‍ പി.സജിത്ത് (43) ആണ് മരണപ്പെട്ടത്. ഡല്‍ഹിയില്‍ ഡിഫെൻസ് സർവീസ് കോർപ്സിൽ സേവനമനുഷ്ഠിക്കുകയായിരുന്നു സജിത്ത്. ആർമി ക്വാർട്ടേഴ്സ് കെട്ടിടത്തിൽ നിന്നു അബദ്ധത്തിൽ വീണതിനെ തുടർന്ന് രണ്ടാഴ്ചയോളം ഡല്‍ഹിയിലെ ആര്‍മി ആശുപത്രിയില്‍ ചികിത്സയിലായിരുന്നു. ചൊവ്വാഴ്ച പുലര്‍ച്ചയോടെയാണ് മരണം സംഭവിച്ചത്.
മൃതദേഹം ബുധനാഴ്ച രാത്രി പത്തു മണിയോടെ പുളിയഞ്ചേരിയിൽ എത്തിക്കുമെന്ന് ബന്ധുക്കൾ അറിയിച്ചു. തുടർന്ന് സംസ്ക്കാരം വ്യാഴാഴ്ച രാവിലെ നന്മണ്ടയിലെ വിട്ടുവളപ്പിൽ നടക്കും. പിതാവ്: ബാലൻ (മാനന്തവാടി). അമ്മ: ദേവി. ഭാര്യ: ജോഷ്മ. മക്കള്‍: റിതുദേവ് (അമൃത സ്കൂൾ പെരുവട്ടൂർ), റിഷിക് ദേവ്. സഹോദരി: താര.