തോട്ടുമുക്കം: തോട്ടുമുക്കം-മരംഞ്ചാട്ടി റോഡിൽ ചുണ്ടത്തുംപൊയിൽ റാട്ടപ്പടിയിൽ കാറും ബൈക്കും കൂട്ടിയിടിച്ച് യുവാവ് മരിച്ചു. തോട്ടുമുക്കം സ്വദേശികളായ പള്ളിത്താഴെ താഹിറിൻ്റെയും സൗജത്തിൻ്റെയും മകൻ റിസ്‌വാൻ (21) ആണ് മരിച്ചത്. ഇന്ന് ഉച്ചയ്ക്ക് രണ്ടു മണിയോടെയായിരുന്നു അപകടം.
തോട്ടുമുക്കത്ത് നിന്നും മരംഞ്ചാട്ടി ഭാഗത്തേക്ക് പോവുകയായിരുന്ന യുവാവ് സഞ്ചരിച്ച ബുള്ളറ്റ് ബൈക്കും എതിർദിശയിൽ വരികയായിരുന്നു കാറുമായി കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ യുവാവിനെ ഉടൻതന്നെ മണാശ്ശേരിയിലെ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല.