താമരശ്ശേരി: താമരശ്ശേരിയിൽ വയോധികനെ വീടിനകത്ത് മരിച്ചനിലയിൽ കണ്ടെത്തി. കോഴിക്കോട് മെഡിക്കൽ കോളേജിലെ റിട്ട.സ്റ്റോർ സൂപ്രണ്ടും, ഫാർമസിസ്റ്റുമായിരുന്ന കമ്മാളൻകുന്നത്ത് എം രാമചന്ദ്രൻ നായരെ (65) യാണ് വീടിനകത്ത് മരിച്ച നിലയിൽ കണ്ടെത്തിയത്. നിലവിൽ കോടഞ്ചേരി ജൻ ഔഷധി ഷോപ്പ് നടത്തിപ്പുകാരനാണ്.
കഴിഞ്ഞ ശനിയാഴ്ച മുതൽ അദ്ദേഹം കടയിൽ എത്താത്തതിനെ തുടർന്ന് ജീവനക്കാർ അന്വേഷിച്ച് എത്തിയപ്പോഴാണ് രക്തം ചർദ്ദിച്ച് വീടിനകത്ത് മരിച്ച നിലയിൽ കണ്ടെത്തിയത്. വീട്ടിൽ മറ്റാരും ഇല്ലായിരുന്നു. താമരശ്ശേരി പോലീസ് സ്ഥലത്തെത്തി തുടർ നടപടികൾ ആരംഭിച്ചു. ഭാര്യ: വാസന്തി. മകൾ: സിമി.
