കോഴിക്കോട്: കൊളത്തറ മാട്ടുമ്മൽ ചാലിയാറിൽ തോണി മറിഞ്ഞു കാണാതായ താമരശ്ശേരി കാരാടി പൊൽപാടത്തിൽ ചന്ദ്രദാസിന്റെ (54) മൃതദേഹം കണ്ടെത്തി. വൈകിട്ട് 5.30 ഓടെ മണൽവാരുന്ന തൊഴിലാളികളാണ് മൃതദേഹം കണ്ടെത്തിയത്.
ഇന്നലെ രാത്രി പുഴയിൽ തിരച്ചിൽ നടത്തിയെങ്കിലും കണ്ടെത്താനായില്ല. താമരശ്ശേരി കാരാടി സ്വദേശികളായ ഒരുപനക്കുന്നുമ്മൽ രാജേഷ്(48), പാലക്കുന്നുമ്മൽ നിഷിൽ (46), പറച്ചിക്കുന്നുമ്മൽ ഷറഫുദ്ദീൻ (41), കണ്ണംകുന്നുമ്മൽ ഷാഫി (40) എന്നിവരെ നേരെത്തെ നാട്ടുകാർ രക്ഷപ്പെടുത്തിയിരുന്നു.
മാട്ടുമ്മൽ നിന്നു ചെറിയമാടിലേക്ക് വരികയായിരുന്ന സംഘം സഞ്ചരിച്ച തോണിയാണു വൈകിട്ട് 6.30ന് ഒഴുക്കിൽപ്പെട്ടു മറിഞ്ഞത്. നാട്ടുകാർ നാലുപേരെ മറ്റൊരു തോണിയിൽ കയറ്റിയെങ്കിലും ചന്ദ്രദാസ് മുങ്ങി പ്പോകുകയായിരുന്നു.
