താമരശ്ശേരി: താമരശ്ശേരിയിൽ ബൈക്ക് യാത്രക്കാരെ ഇടിച്ചു തെറിപ്പിച്ച് കാർ നിർത്താതെ പോയി. സംസ്ഥാന പാതയിൽ കോരങ്ങാടാണ് ഇന്ന് രാത്രി 8 മണിയോടെ അമിത വേഗത്തിലെത്തിയ കാർ ബൈക്ക് യാത്രക്കാരെ ഇടിച്ചിട്ട ശേഷം നിര്‍ത്താതെ പോയത്. അപകടത്തിൽ പട്ടാമ്പി സ്വദേശി ഷാമിൽ (25), തിരൂർ സ്വദേശി മുഹമ്മദാലി (25) എന്നിവർക്ക് പരുക്കേറ്റു.
താമരശ്ശേരി ഭാഗത്തുനിന്ന് വരികയായിരുന്ന
ബൈക്കിൽ എതിരെ വരികയായിരുന്ന കാർ ഇടിക്കുകയായിരുന്നു. മറ്റുയാത്രക്കാർ കാർ പിന്തുടർന്നെങ്കിലും തടഞ്ഞു നിർത്താൻ കഴിഞ്ഞിരുന്നില്ല കാറിന്റെ നമ്പർ പോലീസിന് കൈമാറി. പരുക്കേറ്റ ഇരുവരെയും കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
