കൊടുവള്ളി: ഇന്നലെ രാത്രി കൊടുവള്ളി കരുവൻപൊയിൽ അങ്ങാടിക്ക് സമീപം നിർത്തിയിട്ടിരുന്ന ബസിൻ്റെ ഗ്ലാസ് അജ്ഞാതർ എറിഞ്ഞു തകർത്തു. കുന്ദമംഗലം-കോഴിക്കോട് റൂട്ടിൽ ഓടുന്ന "സുൽത്താൻ" ബസിന്റെ ഗ്ലാസ്സാണ് ഇന്നലെ രാത്രിയിൽ അജ്ഞാതർ എറിഞ്ഞു തകർത്തത്. രാവിലെ ജീവനക്കാർ ബസ് എടുക്കാൻ എത്തിയപ്പോഴാണ് ഗ്ലാസ് തകർത്ത നിലയിൽ കാണപ്പെട്ടത്. കൊടുവള്ളി പോലീസ് കേസെടുത്ത് അന്വേഷണം ആരംഭിച്ചു.
