തിരുവമ്പാടി: മാരക മയക്കുമരുന്ന് എംഡിഎംഎ യുമായി യുവതിയടക്കം രണ്ടുപേർ പിടിയിൽ. തിരുവമ്പാടി പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ആനക്കാംപൊയിൽ റിസോർട്ടിൽ വെച്ച് ഇവർ പിടിയിലായത്.
കാറിൽ കടത്തുകയായിരുന്ന 6.32 ഗ്രാം എംഡിഎംഎ യുമായി വാവാട് വിരലാട്ട് അബ്ദുൽ സലാം (29), കൈതപ്പൊയിൽ ആനോറമ്മൽ ജിൻഷ (25) എന്നിവർ പിടിയിലായത്. തിരുവമ്പാടി എസ് .ഐ വി.കെ റസാക്ക്. എഎസ്ഐ മാരായ രജനി, ഷീന, എസ്.സി.പി.ഒമാരായ അനൂപ്, ഉജേഷ്, സുബീഷ്, രജീഷ് എന്നിവർ ചേർന്നാണ് പിടികൂടിയത്.
താമരശ്ശേരി പോലീസ് സബ് ഡിവിഷന് കീഴിൽ ഡിവൈഎസ്പി പ്രമോദിൻ്റെ നേതൃത്വത്തിൽ മയക്കുമരുന്ന് മാഫിയകൾക്കെതിരെ ശക്തമായ നടപടി തുടർന്നുവരികയാണ്, ജനകീയ പങ്കാളിത്വത്തോടെ നടപ്പാക്കുന്ന പ്രവർത്തനങ്ങൾക്ക് സമൂഹത്തിൽ നിന്നും വൻ പിന്തുണയാണ് ലഭിക്കുന്നത്.
